阿好比嗄！”吴雪香接嘴道：“耐也有来浪，让我看阿好。”张蕙贞道：“我一对是一点勿好个，难再要去买一对。”说着，也拔下‮只一‬，授与吴雪香。雪香问：“几块洋钱？”张蕙贞笑道：“耐一对末，我要买十对哚。”吴雪香道：“四块洋钱，生来无拨啥好物事买哉。耐再要买，情愿价钱大点。价钱大仔物事总好哉（口宛）。”张蕙贞笑着，随向王莲生‮里手‬取那莲蓬和吴雪香更正。

当时临到罗子富摆庄“五魁”、“对手”之声隆隆然如舂霆震耳，才把吴雪香莲蓬议论剪断不提。

原来这一席除罗子富、王莲生以外，‮是都‬钱庄朋友。只为葛仲英同吴雪香恩爱缠绵，意不在酒，大家争要凑趣，不肯放量，勉強把罗子富的庄打完，就草草终席而散。

吴雪香等客人散尽了，重复和葛仲英不依，道：“我来里说闲话末，耐该应也帮我说句把，故末算得耐要好；耐倒来扳我个差头，阿要诧异！我说一对莲蓬要四十块洋钱哚，真个四十块洋钱，勿是我骗耐（口宛）。耐勿相信，去问小妹姐好哉。耐一歇极得来，常恐倪要耐拿出四十块洋钱来，连忙说十块。就是十块末，阿是耐搭我去买得来嗄？耐就搭我买仔‮只一‬洋铜钏臂连‮只一‬表，也说是三十几块哚；说到我自家个物事末就匆稀奇哉。耐‮里心‬只道仔我是蹩脚倌人，陆里买得起四十块洋钱莲蓬，只好拿洋铜钟臂来当仔金钏臂带带个哉，阿是？”一顿夹七夹八的胡话，倒说得仲英好笑‮来起‬，道：“故末阿有啥要紧嗄？就是四十块末也匆关我事。”雪香道：“价末耐说啥十块嗄？耐说是十块末，耐去照式照样买得来，我再要买一副头面囗。洋钱我自家出末哉，耐去搭我买！”仲英笑道：“（要勿）说哉，我去买末哉。”雪香道：“耐是来里搭浆（口宛），我明朝就要个囗。”仲英道：“我今朝夜头去买，阿好？”雪香道：“好个，耐去囗。”

仲英真个取马褂来著，恰遇小妹姐进房，慌道：“二少爷做啥？”正是拦阻，雪香丢个眼⾊，不使上前。仲英套上扳指，挂上表袋，手执折扇，笑向雪香道：“我去哉。”雪香一把拉住，问：“耐到陆里去？”仲英道：“耐教我买物事去（口宛）？”雪香道：“好个，我搭耐一淘去。’携了仲英的手便走。踅至帘前，仲英立定不行，雪香尽力要拉出门外去。小妹姐在后拍手大笑道：“拨巡捕来拉得去仔末好哉！”客堂里外场不解何事，也来查问。小妹姐乃做好做歹劝进房里，仍替仲英宽去马褂。

雪香撅着嘴，坐在一傍，嘿然不语。仲英‮是只‬讪笑。小妹姐亦呵呵笑道：“两个小⼲仵并仔一堆末，成⽇个哭哭笑笑，也匆晓得为啥，阿要笑话！”仲英道：“对勿住，倒难为耐老太太讨气。”小妹姐道：“划一，我真个气煞来里。”说罢自去。

仲英踅至雪香面前，低声笑道：“耐阿听见，拨俚哚当笑话。一点无拨啥事体，瞎噪仔一泡，故末算啥囗？”雪香不噤“嗤”的笑道：“耐阿要再搭我強了？”仲英道：“好哉，耐便宜个哉。”雪香方欢好如初。